ОН загрижени за случувањата во Јужна Кореја

Функционерите на Обединетите Нации ја следат ситуацијата во Јужна Кореја „многу внимателно и со голема загриженост“, изјави денеска портпаролот на ОН Стефан Дижарик.

Јужнокорејската војска претходно соопшти дека ќе ја одржува воената состојба додека не ја укине претседателот Јун Сук Јеол, и покрај тоа што националниот парламент гласаше против спроведување на декретот.

Претходно беше јавено дека јужнокорејските војници по гласањето во Парламентот ја напуштаат зградата на собранието, а тоа го потврди и претседателот на Националното собрание на Јужна Кореја.

Војниците влегоа во зградата веднаш по прогласувањето на воена состојба од страна на претседателот.