Мароко го забрани производството и продажбата на бурки
Мароканските власти го забранија производството и продажбата на бурки - исламска облека која целосно го покрива телото и главата на жената, јавија француските медиуми.
Министерството за внатрешни работи на Мароко испратило циркуларно писмо до своите службеници одговорни за трговијата во градовите низ земјата, во кое им се наредува од оваа недела веќе да не го одобруваат производството и продажбата на бурки.
Самото Министерство не издаде никакво соопштение за ова прашање.
Во некои трговски квартови на Казабланка, економската престолнина на Мароко, службениците на Министерството за внатрешни работи вчера ги информирале трговците за новата одлука на властите.
Управителот на градот Тарудант на трговците, кои произведуваат и продаваат бурки, им наредил во рок од 48 часа да ги уништат своите резерви и да ја прекинат секоја трговска актвиност што ја вклучува оваа облека, покажува документ објавен на социјалните мрежи.
Истото се случило и во малиот град Вислан, каде локалниот управител бурката ја нарекол „авганистански никаб“.
Преземени се мерки и за забрана на увоз на бурки во земјата, изјави за сајтот „Ле 360“ висок претставник на Министерството за внатрешни работи.
Според мароканските медиуми, бурката била забранета од безбедносни причини, бидејќи таа многу пати била искористена од криминалци.
Ново на Сител
-
НБРМ со надолна корекција на растот на македонската економија
-
Петто 4х4 рели во Крушево
-
Преглед на вестите од светот
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа