Рикер на средби со Дендиас и Ципрас
Зајакнување на билатералните односи во рамки на стратешкиот дијалог Грција-САД, како и регионалните случувања биле темите за кои разговарале шефот на грчката дипломатија и помошникот државен секретар на САД за Европа и Евроазија, Филип Рикер, објави грчката новинска агенција АНА-МПА повикувајќи се на дипломатски извори.
За средбата Дендиас-Рикер, грчкото МНР објави фотографија на официјалниот Твитер профил, а самиот шеф на грчката дипломатија ја спомена во говорот во Парламентот, во делот посветен на грчко-американските односи, јави дописничката на МИА од Атина.
– Пред малку во Министерството го примив американскиот заменик министер, господинот Рикер за да се продолжат разговорите започнати со господинот Помпео, рече Дендиас.
– Задоволство ми е што помошникот секретар Филип Рикер е овде во Атина и следи по многу продуктивната посета на Никос Дендиас на САД, за следниот стратешки дијалог и за градење на нашата силна врска меѓу САД и Грција, напиша на Твитер американскиот амбасадор во Атина, Џефри Пајат, објавувајќи фотографија од средбата во грчкото МНР.
Филип Рикер оствари средба и со поранешниот грчки премиер и лидер на СИРИЗА, Алексис Ципрас, а на средбата присуствуваа и поранешните министри Јоргос Катругалос и Никос Папас.
-Средба на претседателот на СИРИЗА со американскиот заменик министер Рикер и амбасадорот Пајат за грчко-американските односи и за меѓународните и регионалните прашања од заеднички интерес, напиша Катругалос на Твитер.
Помошникот државен секретар на САД за Европа и Евроазија, Филип Рикер се сретна и со министерот за развој и инвестиции, Адонис Георгиадис.
Ново на Сител
-
Двојно убиство во Стајковци - си ги убил братот и снаата
-
Специјализантите и натаму бараат плата
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите