Загрижен „Свиркач“ од фактот дека јавноста не ја добила вистинската слика од интервјуто со Катица Јанева, го достави севкупниот снимен материјал до Република, за да може јавноста вистински да се увери во непрофесионалноста на Аргирова, ексклузивно објави порталот.
-Целиот материјал од снименото интервју, без никакви монтажи и корекции до нашата редакција го достави анонимен извор со цел да се прикаже во вистинско светло непрофесионализмот на МТВ и нејзиниот главен уредник на информативната редакција. Од материјалот може да се заклучи дека интервјуто е однапред договорено, со однапред договорени и одговорени прашања кои специјалната обвинителка Катица Јанева има потешкотии дури и да ги прочита. За резилот на обвинителката да биде помал, нејзините одговори се буквално искасапени и во најголем дел покриени со инсерти. При тоа од 18,15 минути снимен материјал, на екраните беше прикажан околу 10 минути. Не може а да не се забележи дека обвинителката не може да каже дури ни „добра вечер“ без да згреши и да погледне во подготвениот текст, објави Република.
Катица Јанева требаше да го брани обвинението за „Пуч“, а не знаеше ниту да ги каже на памет кои дела им се ставаат на товар на обвинетите. Останува нејасно што ли читала и подготвувала Јанева цела година откако го презеде предметот, а згора над тоа дури и го критикуваше судот за одлагањето.
„Само не и давајте да чита“
Јавна тајна во МРТВ е дека „Техничката“ уредничка на информативната програма Санта Аргирова поставена како кадар на СДСМ директно со Јанева со денови ги подготвувала прашањата и интервјуто во целина. Сепак, и покрај обидите се да мине во најдобар ред, снимениот материјал ја покажуваат неподготвеноста на Јанева барем да ги научи одговорите кои, ако се споредат нејзините обиди за одговарање и тоа што го чита, воопшто и не се напишани од неа. Токму затоа техничката уредничка морала да се ангажира во сечење, лепење и монтирање на материјалот за да може да се емитува парче од неполни 10 минути во вестите на Јавниот сервис.
Катица Јанева во интервјуто изјави дека трпела закани, но од МВР велат дека нема таква пријава против никого, што претставува уште една во низата лаги и манипулации на Јанева. На прашањето дали мирно спие и дали има притисоци, Јанева вели дека би било нескромно да рече дека нема притисоци и суптилни закани.
Интервјуто онака како што е презентирано всушност е класично засрамување на Јанева и на СЈО пред севкупната јавност, особено со зафатите на Аргирова најголемиот дел од интервјуто гостинот отпосле да биде „покриен“ со инсерти, во функција на козметички зафат за прикривање на читањето одговори и сечењето на искажаните неповрзаности на Јанева. Катастрофално и непрофесионално, сечено и монтирано за да не се види неукоста и дилетантизмот на Катица Јанева се дел од коментарите како на медиумските работници, така и на обичните гледачи.
Одговорите тешки за паметење
Катастрофата на Катица Јанева е најголемата тема во медиумските кругови. Наместо да ги прикаже слабостите во тезите на Катица Јанева и објективно да ја информира јавноста, МТВ по налог на уредникот поставен од СДСМ ги прикрива овие информации и неукоста на Катица Јанева. Невозможно е да се најде новинар и медиумски работник кој не го дели ставот дека Катица Јанева едноставно нема капацитет за одговорноста која и е доделена. Интервјуто во целина е под сите стандарди, а Јавниот сервис, во позиција со партиски војник во овие 100 дена на чело на информативната програма, наместо да има критички поглед кон институциите, меѓу кои и СЈО, без срам политички се додворува на Катица Јанева.
Главниот и одговорен уредник на информативната редакција на МТВ Санта Аргирова беше поставена на функцијата директно од опозициската СДСМ со цел да покаже пример за професионално известување. Аргирова најави дека ќе наметне стадарди какви до сега не се практикувале. За неполн месец, главната уредничка на МТВ успеа да постави невидени стандарди за непрофесионално информирање на јавноста.
