Oблачно време со повремени сончеви периоди

Времето во Македонија ќе биде умерено облачно со повремени сончеви периоди и со слаб до умерен северозападен ветер. На југоисток ветерот краткотрајно ќе засилува.

Утринската температура ќе се движи од минус шест до еден, а дневната од четири до 12 степени.

Во Скопје претпладне со мала до умерена облачност, а попладне претежно сончево. Утринската температура ќе се спушти до минус три, а дневната ќе се искачи до девет степени.

До петок ќе преовладува сончево време со мала до умерена локална облачност. Утринските температури во поголемиот дел од земјата ќе се спуштат под нулата, а дневните ќе бидат во благ пораст.

Во сабота облачноста ќе се зголеми, а на запад ќе започнат врнежи од дожд. Преку ноќта кон недела врнежите ќе се прошират во поголемиот дел од земјата. Во недела претежно во западните и источните делови ќе има повремени врнежи од дожд, а понекаде на повисоките места врнежите ќе бидат од снег.