Извозот на Кина во ноември зголемен за 21,4 отсто во однос на истиот период лани
Кинескиот извоз порасна за 21,4 отсто во ноември, но забави во однос на претходниот месец, додека увозот исто така се зголеми како последица на зголемената домашна побарувачка.
Извозот од 325,5 милијарди долари е за 21,4 отсто поголем од истиот период претходната година, но е помал во однос на октомврискиот раст од 27,1 отсто, покажуваат денеска објавените податоци на царинската служба.
Увозот се зголеми за 31,7 отсто во ноември на 253,8 милијарди долари, што е за 20,6 отсто повеќе во однос на еден месец претходно.
Кинескиот извоз беше поттикнат од странската побарувачка во време кога другите конкуренти во светот се соочуваа со предизвици поради контролите поврзани со коронавирусот.
Посилниот увоз покажува дека домашната побарувачка закрепнува по падот предизвикан од владините контроли на кредитите во индустријата за недвижнини.
Економскиот раст падна на невообичаено ниски 4,9 отсто во однос на претходната година во кварталот што заврши во септември.
„Извозот и увозот беа над очекувањата минатиот месец благодарение на посилната побарувачка и ублажувањето на недостигот на полупроводници“, вели аналитичар во „Капитал економикс“.
Според него, појавата на варијантата омикрон на вирусот на краток рок веројатно ќе ја поддржи побарувачката за кинески извоз, но неизвесно е какво ќе биде долгорочното влијание на тој сој.
Ново на Сител
-
Извештајот на Светска банка го нарушува имиџот на земјава
-
Тема на денот со премиерот Христијан Мицкоски
-
Македонски Телеком креираше иновативно решение за телемедицина, единствено во регионот
-
Во Велес утре ден на жалост за тројцата загинати во сообраќајката кај Катланово - другите пет лица се тешко повредени
-
Таравари бара директорите на Детска и Козле да преземат мерки за докторите кои направиле превид
-
ВО ЖИВО: Голема полициска акција
-
Смена во АНБ
-
Четири општини нема да добијат државни пари - Владата го продолжи рокот за да може да аплицираат дополнително