Изложбата на фотографии и „Догвил“ на МОТ+
Изложбата на фотографии од Љупчо Илиевски и претставата „Догвил“ во режија на Кокан Младеновиќ се дел од вечерашната МОТ+ програма која се одржува во пресрет на претстојниот41. театарски фестивал Млад отворен театар (МОТ).
Илиевски припаѓа на средната генерација македонски фотографи. Негува специфичен уметнички стил и силен авторски печат. Засега е единствениот фотограф од Македонија чии фотографи за мегалитската опсерваторија Кокино се објавени во српското издание на престижното специјализирано списание за фотографија National Geographic. Илиевски е автор на девет самостојни изложби, присутен е на повеќе филмски фестивали, а за својата работа е повеќе пати наградуван.
„Догвил“, на Миксер Хаус од Белград, е театарска адаптација на истоимениот филм на Ларс фон Трир. Настапуваат Бранислав Трифуновиќ и Милица Мајсторовиќ, а музиката во живо ја изведува Vrooom. Претставата ја следи приказната на Грејс која бегајќи од гангстери, наоѓа засолниште во навидум идиличниот град наречен Догвил. Исфрустрираноста, тесноградоста и агресија на жителите на оваа идеализирана заедница бргу ќе излезат на виделина и Грејс ќе стане жртва на оние на кои таа сакаше да им помогне и во чија хуманоста и добрината веруваше.
МОТ+ е во организација на Младинскиот културен центар.
Ново на Сител
-
Комисијата нема да почнува разговори од почеток, историчарите подетално ќе разговараат во Софија
-
Тема на денот со Гордана Димитриеска Кочоска, министерка за финансии
-
Комисијата нема да почнува разговори од почеток, историчарите подетално ќе разговараат во Софија
-
Ангелов: Не може да се разговара од почеток за веќе ревидирани препораки во историската комисија
-
Муртезани: Неодбивањето на предлогот за одложено дејство на Фор дер Лајен остава простор за решение
-
Шилегов обвини дека СДСМ е заробена, партијата му одговори дека Филипче е избран демократски
-
Филков: Време е за освежување во Комисијата за помилување
-
Претседателот на ЗЕЛС ги кани на состанок Костадинов и Јакимовски