ССК и Општина Аеродром потпишаа Меморандум за соработка
Сојузот на стопански комори на Македонија (ССК) и Општина Аеродром ја официјализираа соработката со потпишување Меморандум чија цел е воспоставување партнерство за забрзување на економскиот развој и создавање поволни услови за водење бизнис и инвестирање.
Како што соопшти ССК, освен интензивирање на соработката, Меморандумот предвидува и формирање Деловен клубод компании- членки на Сојузот кои делуваат на ниво на општината од различни дејности, како и претставници на менаџментот на Општина Аеродром.
Преку овој клуб ќе се воспостави, поттикне и развива дијалогот на локално ниво меѓу јавниот и приватниот сектор и ќе се зајакнат врските меѓу потребите на пазарот на труд и вештините што се развиваат кај младите преку образовниот систем и претприемништвото. Се очекува и размена на мислења и информации, како и покренување заеднички иницијативи и предлагање мерки за унапредување на квалитетот на животот на граѓаните во општината.
- Компаниите кои делуваат на ниво на општината, заеднички, здружени преку Комората, а сега и преку општинскиот Деловен клуб, ќе имаат можност навремено да ги следат и детектираат предизвиците во општината со цел подобрување на деловното опкружување. Покрај нив, постои отворена можност да се приклучат и останати фирми, комори и организации, информира Сојузот.
Меморандумот го потпишаа претседателот на ССК Данела Арсовска и градоначалникот Ивица Коневски.
Ново на Сител
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање
-
Следната недела СДСМ ја почнува постапката за избор на ново раководство
-
МЗ како портпарол на Токсикологија со обвинувања за Нико Беќаровски - професорот негира и најави тужба
-
Македонија 2025: Дијаспората сака да помогне, власта нема слух