Лавров: Присуството на проиранските сили во Сирија е легално
Присуството на проиранските сили во Сирија е врз законска основа, изјави денеска рускиот министер за надворешни работи Сергеј Лавров.
Тој истакна дека на неодамнешните разговори со американската страна не станало збор за повлекување на проиранските сили од Сирија. - Русија не вети дека ќе обезбеди повлекување на проиранските формации од Сирија, изјави Лавров.
- Ако разговараме за проиранските сили, некој ќе дојде во искушение целата сириска војска да ја нарече проиранска. И што потоа? Мораат ли и тие да се предадат? Тоа е она што го нарекуваме „пусти соништа“, изјави шефот на руската дипломатија.
Претходно, висок претставник на американскиот Стејт департмент, коментирајќи го трипартитниот меморандум потпишан на 8 ноември меѓу Русија, САД и Јордан, рече дека Русија ветила оти ќе помогне во повлекувањето на иранските и проиранските сили од југозападна Сирија.
Рускиот министер истакна дека Русија и Иран се легално во Сирија на покана на сириската Влада и дека постои „нелегитимно присуство предводено од САД, кое спроведува воени акции, првенствено преку поддршка на опозициските формации".
Ново на Сител
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр