-->
-->
Во Куманово се намалува бројот на заболени од грип
-->
Во последната недела од јануари регистрирани се 57 новозаболени од сезонски грип, во претпоследната, според податоците на Центарот за јавно здравје Куманово биле евидентирани 61 случај, додека во првите две недели од јануари бројот на заболени од грип изнесувал 347.
Во декември,пак, како што соопшти денеска епидемиологот доктор Јадранка Стаменковска биле евидентирани 891 лице заболени од грип, а во јануари речиси двојно помалку - 465 лица заболени од грип.
- Најголем број заболени 310 - во јануари има во возрасната група од 15 до 64 години, 72 лица се на возраст од 5 до 14 години, 45 се деца до четиригодишна возраст и 38 се лица над 65 години, соопшти Стаменковска.
Инаку, од почетокот на сезонава до декември Центарот за јавно здравје евидентира 1.027 лица заболени од сезонски грип. Од почетокот на сезоната на инфективно одделение биле хоспитализирани 32 лица, а амбулантски прегледани 365 лица.
Во Куманово се намалува и бројот на деца заболени од варичела, покажуваат податоците на Центарот за јавно здравје. Во декември биле евидентирани 32 лица, а во јануари 13. Лани во јануари, пак биле евидентирани 22, а во декември 86, претежно деца од училишна и предучилишна возраст.
-->
-->
-->
Ново на Сител
-
Бугарското МНР во одбрана на амбасадорот Радуков
-
Откажана утрешната средба на историската комисија со Бугарија
-
Различни мислења за есенската кошница: Замрзнување на цените или зголемување на производството?
-
Митева: Наместо пренос на електрична енергија, МЕПСО спонзорирал спортски клубови
-
Студентите реагираат на зголемените трошоци, тече вториот уписен рок на државните универзитети
-
Преглед на вестите од светот
-
Заемот од Унгарија пред пратениците
-
ВМРО-ДПМНЕ: Во МЕПСО се трошело без усул