Во домот на д-р Асани инспекторите пронашле комплетна гинеколошка ординација без документација
Инспекторите на Државниот здравствен и санитарен инспекторат во понеделникот влегоа во куќата на директорот на струшката болница и гинеколот д-р Мухамед Асани со полициска асистенција.
Откако влегле внатре пронашле комплетно опремено гинеколошка ординација со чекална, со рецепти, со гинеколшки стол, меѓутоа за ординацијата не постојат никикави документи, дознава „Слободен печат“.
Инаку, пред куќата не постоеле никакви ознаки дека станува збор за гинеколошка ординација.
Директорката ДЗСИ д-р Ирина Сотирова Бухова за изјави дека во ваква ситуација законски морале да ја повикаат полицијата.
– Посочениот доктор беше повикан, дојде и даде доброволна изјава дека има ординација но не ординира, изјави д-р Сотировска Бухова за „Слободен печат“.
Таа додаде дека за време на вонредниот инспекциски надзор во ординацијата не затекнале пациенти ниту вработени.
Токму во оваа домашна ординација родилка и воедно медицинска сестра од Дебар за медиуите изјави дека ѝ била следена целата бременоста која за неа заврши без бубрег, матка и јајчник, меѓутоа инспекторите ова засега не успеваат да го потврдат бидејќи лекарот и директорот на струшката болница тврди дека во оваа ординација не прегледува.
Ново на Сител
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата