Попов: Постои само една Академија на науките и уметностите, тоа е МАНУ

Постои само една Македонската академија на науките и уметностите која ја претставува државата и сите етнички заедници. Притисокот да се формира моноетничка албанска академија е нерационален и неоснован, вели првиот човек на МАНУ, Живко Попов на 57 годишнината од формирањето на Академијата. Наместо паралелни институции Попов повикува да се формираат научно-уметнички друштва или граѓански здруженија.

Академиците се единствени и во ставот дека албанскиот јазик кој е предмет на дискусија и во Уставниот суд, не треба да се укине. Повикуваат на доуредување на законското решение во кое ќе се применат и забелешките на Венцијанската Комисија.

Последиците од договорите со Грција и Бугарија се евидентни и се уште не им се гледа крајот, дециден е првиот човек на МАНУ. Вели, по болните компромиси, промената на државното знаме, евроскептицизмот расте и изостананува отворањето на процесот на преговори со ЕУ

На свечената академија беше доделено и меѓународното признание „Блаже Конески” на годинашниот добитник Мотоки Номачи од Јапонија, а беше промовирано и изданието „Македонското научно-литературно другарство во Санкт Петербург 1902-1917″.