Венецуелка нападната во апартман во Скопје, напаѓачот ѝ одзел два телефона

Триесет и седумгодишна државјанка на Венецуела пријавила во Полициската станица Центар дека била физички нападната во апартман во Скопје во кој престојувала.

Според пријавата, нападот се случил околу 3 часот по полноќ, а осомничениот е Б.Џ. од Косово, кој живее во Лондон. Двајцата претходно телефонски се договориле да се сретнат, соопштуваат од МВР.

Жената пријавила дека при нападот мажот ѝ одзел два мобилни телефони. Полицијата презема мерки за расчистување на случајот.