-->
-->
Станиќ: Се видов и разговарав со Самсоненко ...
-->
Српскиот ракометен голман Дарко Станиќ, потврди дека имал разговори со првиот човек на Вардар,Сергеј Самсоненко, но дека засега нема нишко конкретно околу неговиот ангажман во редовите на европскиот и македонски шампион.
Дарко Станиќ во моментов е без ангажман откако ракометот во Катар влезе во проблеми. Беше виден неколкупати во Скопје, а тој вели дека секогаш со задоволство го посетува главниот град на Македонија.
„Во последните два месеци бев во Скопје петпати, но сето тоа беше од приватни причини. Се видов и со Сергеј Самсоненко. Муабетевме на многу теми и на приватен и на професионален план. Падна разговор и на тема Вардар. И тој и јас имаме многу идеи што и како би требало да биде. Меѓутоа сето тоа беше само разговор. Немам ништо потпишано“,вели Станиќ во интервјуто за „24 ракомет“.
Станиќ во моментов е без ангажман, откако ракометот во Катар влезе во проблеми.
„Проблемите во коишто е Катар и спортот во оваа земја придонесоа да ја завршам соработката со Ел Џаиш. При крај сум со кариерата и не сакам на сила да одам некаде. Професионалниот живот со ракометот остава простор од едвај еден месец во годината, па сега малку се посветив на ова. Тоа не значи дека доколку се појави добра понуда нема да можам за неколку дена да влезам во тренажен процес“, дополнува српскиот голман кој како член на Металург ги собра симпатиите на македонските навивачи.
Откако беше потврдено дека Арпад Штербик по завршувањето на тековната сезона ќе замине од Вардар, се почести се шпекулациите за враќање на Станиќ во Македонија, и тоа во редовите на Вардар.
-->
-->
-->
Ново на Сител
-
Таравари: ВРЕДИ во Владата ќе има 6 министерства и претседател на Собрание
-
Силјановска со културна дипломатија ги затоплува односите во Бугарија
-
Преспанскиот договор - Секојдневна тема во Атина
-
Детектор анкета: Секој трет размислува да се исели од Македонија
-
Уставен Суд ќе бира нов претседател, Кацарска без право на реизбор
-
Поројниот дожд направи штети, ЦУК апелира на внимателност
-
Недостигаат најмалку двајца инспектори за контрола во водниот сообраќај
-
Повторно доцни сеидбата на ориз во атарите на селата на Општина Чешиново-Облешево