Победа над Фарски Острови - македонските ракометари се пласираа на Светско
Македонската ракометна репрезентација вечерва го совладаа Фарски Острови со 34:26 и се пласираа на Светското првенство следната година.
Разликата од осум голови беше доволна да се анулираат седумте негатива од првиот дуел од барашот за СП одигран во средата на гостински терен кој Фараните го добија со 34:27.
Селекторот Кирил Лазаров постави извонредна игра, како во нападот, така и во одбраната. Македонците покажаа голема борбеност, беа агресивни во дуелите, играа трпеливо во нападот и на крајот заслужија мундијалски билет.
По првите 30 минути Македонија водеше со 19:15, во 37. минута ги имаше посакуваните +7, а во неколку наврати водеше и со девет разлика.
Жарко Пешевски со осум погодоци беше најефикасен во победничкиот состав. Се истакнаа и Филип Кузмановски со седум, Марко Митев со шест и Мартин Серафимов со пет погодоци.
За „Црвено-жолтите“ следното Светско првенство ќе биде деветти, по 17 пат ќе играат на голем ракометен настан, а задржан е и континуитетот на учество на големите натпреварувања кој трае од 2012 година.
Ново на Сител
-
Јавниот превоз во Скопје по неделен возен ред на 21, 22 и 23 јуни
-
Албански фудбалер ги пцуеше Македонците по натпреварот со Хрватска | ВИДЕО
-
Почина 25 годишен војник откако му се слошило на „Криволак“
-
Сончево и многу топло до 40 степени и УВ индекс 9
-
Запишување во средните училишта за учебната 2024/2025 година
-
Уставен суд ќе ја оценува уставноста на измените на Законот за облигационите односи и на Законот за платите на јавните обвинители
-
Словенечката влада го продолжи надзорот на границите со Хрватска и Унгарија
-
Седум лица ранети во престрелка во Филаделфија