Сочувани 60 милиони хектари тропски шуми во Бразил

Околу 60 милиони хектари тропски шуми што е колку и површината на Франција, се сочувани благодарение на бразилската програма за Заштитени зони на Амазонија.

– Со тоа е остварена зацртана цел, изјави министерот за животна средина Жозе Сарне Фиља. Таа површина е 15 отсто од бразилскиот дел од Амазонија.

Според Фиља, иницијативата е покрената во 2002 година и првичната цел била заштита на 40 милиони хектари бразилски амазонски прашуми, и во 2014 година е проширено на 60 милиони хектари.

Програмата Арпа е штит против можно отстапување од еколошка политика поради разни меѓународни средства, нагласуваат властите и поради тоа, не можат да ризикуваат губење на тие средства.

Бразил е под притисок да преземе одлучни мерки против сечење шуми бидејќи Амазон има клучна улога во зачувувањето на биодиверзитетот.