Повредените мигранти кај кумановско Градиште во стабилна здравствена состојба
Во стабилна состојба се 26. мигранти кои се повредени во сообраќајка утринава околу 06,40 часот на регионалниот пат Свети Николе – Куманово кај месноста викана „Градиште“, кога од коловозот излетало товарното моторно возило „Фолваген“ во кое се превезувале, а возачот е во бегство.
Мигрантите, од кои 15 државјани на Авганистан, девет на Пакистан и еден од Ирак (седум биле малолетни лица), со возило на Итната медицинска помош биле пренесени на Хируршкото одделение во Општа болница Куманово.
Од Хируршкото одделение при Општа Болница Куманово информираат дека само еден од пациентите завршил со тешки телесни повреди, и е испратен на клиника за трауматологија во Скопје, а останатите по укажаната помош ќе бидат пуштени на домашно лекување.
– На нашето одделение се примени 26 пациенти, сите се прегледани, направен е рендген и се што е потребно, констатирани се телесни повреди на 25 пациенти, кои се опсервирани, дадена е аналгетска терапија, а еден пацинет е испратен на Клиника за трауматологија. Малолетните лица се во добра општа состојба и ќе бидат пуштени на домашно лекување, посочи Љубинка Дамјановска Крстиќ, хирург Општа болница Куманово.
За настанот бил известен јавен обвинител, а увид на местото извршила екипата од СВР Куманово.
Министерството за внатрешни работи информира дека преземаат мерки за расчистување на случајот.
Ново на Сител
-
Комисијата за финансирање прифати само два амандмана - за исплата на администраторите на избирачкиот процес и за платено политичко рекламирање
-
Пожар предизвика застој на патот од Солун до Евзони, возилата се пренасочуваа кон Дојран
-
Суспензија и кривична за членот на обезбедувањето на Гаши кој извадил пиштол на скопскиот аеродром
-
Еуросупер БС 95 и дизелот поевтинуваат за половина денар
-
Курти: Официјалниот извештај ќе го расветли инцидентот со Османи на Скопскиот аеродром за никогаш повеќе да не ни се повторат вакви ситуации
-
Мицкоски: Османи е секогаш добредојдена, но секој подлежи на стандардни безбедносни проверки
-
Капитенот на Македонија Никола Јаничиќ е МВП на Евро-шампионатот во Скопје
-
За време на продолжениот викенд над 31.000 лица поминале низ ГП „Табановце“, на ГП „Пелинце“ скоро седум илјади