Повредените мигранти кај кумановско Градиште во стабилна здравствена состојба
Во стабилна состојба се 26. мигранти кои се повредени во сообраќајка утринава околу 06,40 часот на регионалниот пат Свети Николе – Куманово кај месноста викана „Градиште“, кога од коловозот излетало товарното моторно возило „Фолваген“ во кое се превезувале, а возачот е во бегство.
Мигрантите, од кои 15 државјани на Авганистан, девет на Пакистан и еден од Ирак (седум биле малолетни лица), со возило на Итната медицинска помош биле пренесени на Хируршкото одделение во Општа болница Куманово.
Од Хируршкото одделение при Општа Болница Куманово информираат дека само еден од пациентите завршил со тешки телесни повреди, и е испратен на клиника за трауматологија во Скопје, а останатите по укажаната помош ќе бидат пуштени на домашно лекување.
– На нашето одделение се примени 26 пациенти, сите се прегледани, направен е рендген и се што е потребно, констатирани се телесни повреди на 25 пациенти, кои се опсервирани, дадена е аналгетска терапија, а еден пацинет е испратен на Клиника за трауматологија. Малолетните лица се во добра општа состојба и ќе бидат пуштени на домашно лекување, посочи Љубинка Дамјановска Крстиќ, хирург Општа болница Куманово.
За настанот бил известен јавен обвинител, а увид на местото извршила екипата од СВР Куманово.
Министерството за внатрешни работи информира дека преземаат мерки за расчистување на случајот.
Ново на Сител
-
ЦУК: Пет ктивни пожари, три под контрола
-
Г7 повика на запирање на деструктивниот циклус на насилство на Блискиот Исток
-
За продолжениот викенд казнети 170 возачи на подрачјето на СВР Битола, 56 за брзо возење
-
Сува трева, стрништа гореле во липковско и кумановско, во моментот нема активни пожари
-
„Секс, пари, социјални медиуми – како се проверуваат кандидатите за потпретседател во САД
-
САД и Кина водечки на листата медалисти со по 19 злата
-
Ангеловска-Бежоска − Агелер: Народната банка придонесува за стабилноста на економијата и ужива висока доверба
-
Бајден ќе одржи безбедносни разговори поради зголемените тензии на Блискиот Исток