Петков: Народното собрание донесе историско решение
Премиерот на Бугарија во оставка, Кирил Петков на својот Твитер профил денеска напиша дека Народното собрание донесе историско решение, што дава зелено светло на францускиот предлог за приклучување на Северна Македонија во Европската Унија, јави дописникот на МИА од Софија.
-Интеграциите на Западен Балкан се од стратешки интерес за ЕУ, пишува Петков.
Бугарскиот премиер потоа пред новинарите во Брисел изјави дека Народното собрание донело навистина одговорна одлука и се заблагодари на министерката за надворешни работи во оставка, Теодора Генчова, „која јасно стави до знаење и покрај притисокот од партијата што ја номинираше, дека тоа е најдобро решение“.
-И благодарам на Генчовска за храброста и покрај коментарите на Слави Трифонов, додаде Петков.
Според него, 170 гласови од 240 е потребната поддршка за ваква одговорна одлука.
Тој додаде дека европските лидери заклучиле оти Бугарија го направила својот чекор и оцениле дека оваа одлука е поддржана од француската Влада и ЕУ и како што посочи Петков, „сфаќаат дека бугарските барања стануваат европски“.
Според бугарскиот премиер во оставка, време е Владата на Република Северна Македонија да ја води својата нација.
-Во моментов останува на нив да кажат дали сакаат да бидат дел од ЕУ и дали се подготвени да ги преземат чекорите за тоа да стане реалност, заклучи Петков.
Ново на Сител
-
Тема на денот со Ана Каранфилова Мазневска, раководител на сектор за отпад
-
Мицкоски: Бугарскиот парламент да го ратификува пристапниот договор па потоа уставни измени
-
Мицкоски: Да не се врши притисок врз Уставен
-
Анализа: Што ќе се случува со ЗЕЛС ако општините продолжат да ја напуштаат организацијата?
-
Владата ќе бара решение за да не пораснат функционерските плати
-
Многу жени не одат на закажан скрининг за рак на дојка – Пациенти со симптоми пак чекаат со месеци за мамографија
-
Ситуацијата кај Буково алармантна
-
Министерството за дигитална трансформација отвори прв општински центар за услуги