Основачки состанок на Комисијата за управување со наследството на охридскиот регион
Во Скопје денеска се одржа прв основачки состанок на Комисијата за управување со светското природно и културно наследство во Охридскиот регион, откако Владата на седница минатиот вторник (23 јануари) именуваше нејзин претседател, заменик-претседател и членови.
Комисијата е формирана врз основа на Законот за управување на Охридскиот регион од 2010 година. Таа е координативно и советодавно тело, чии работни должности и задачи се да го разгледува и дава мислење за состојбата на светското природно и културно наследство на охридскиот регион.
Одговорни за активностите - од легислативата до нивното спроведување во практика се министерствата за култура и за животна средина и просторно планирање, заедно со Управата за заштита на културното наследство и Управата за заштита на природата.
- Комплексноста и сензитивноста на проблематиката која ја опфаќа заштита на културното и природното наследство на Охридскиот регион како светско наследство упатува на сериозна меѓусекторска соработка со цел почитување и применување на универзалните вредности и принципи, вградени во меѓународните инструменти, пред сè Конвенцијата на УНЕСКО за заштита на културното наследство, соопшти Министерството за култура.
Претседателот, заменик-претседателот и 21 член на новоформираната Комисија ги назначува Владата. Се избираат за период од три години со право на повторен избор, но не повеќе од двапати едноподруго. Во работата на Комисија по потреба може да учествуваат и претставници од научни и образовни установи и други стручни организации кои дејствуваат во областа на заштитата на природното и културното наследство на охридскиот регион.
Денешниот основачки состанок го отворија министерот за култура Роберт Алаѓозовски и Билјана Зефиќ, в.д директор на Управата за животна средина.
Ново на Сител
-
Експерти: Одговорноста за правосудството треба да се бара во индивидуалните постапки на дел од судиите
-
Тема на денот со Арбен Таравари
-
Амбасадорите подготвени да соработуваат со Мицкоски за судските реформи
-
Советот на обвинители не сака распуштање, Мицкоски вели срамно е да се има доверба од 2%
-
268 матуранти паднаа на државната матура
-
Кој ќе одговара за скапо платените и некористени акцеларатори за малигно болни кои ќе завршат во отпад?
-
ЕпсоТех инвестира 20 милиони евра - Ќе бидат вработени 110 луѓе
-
„Да ги пуштиме нозете колку ни е долга чергата“ рече Мицкоски за барањето 450 евра минималец