Одбележани 107 години од раѓањето на Никола Јонков Вапцаров
Со повеќе активности денеска беа одбележани 107 години од раѓањето на поетот и револуционер Никола Јонков Вапцаров.
Градоначалникот на Бутел Петре Латиновски и претставници на голем број здруженија и граѓани положија цвеќе пред споменикот на Вапцаров во паркот, пред новата општинска зграда.
Чествувањето, кое е дел од 38-та културна манифестација „Вапцарови денови“, продолжи во Музејот на македонската борба.
Мартин Цветковски, раководител на Ансамблот „Никола Јонков Вапцаров“ од населбата Лисиче, Скопје информира дека одбележуваат 38 години постоење.
- Оваа манифестација ќе продолжи и на 9 декември во Домот на АРМ, со почеток во 18.30 часот, каде ќе настапат детските фолклорни групи на нашиот ансамбл под мотото „Децата за Вапцаров“. И на 10 декември во 19 часот ќе се одржи завршната свеченост со возрасните групи на Анасмблот со програма од два часа. Ќе се претставиме со ора, песни и игри од целиот репертоар, рече Цветковски. Додаде дека традиционално нивни соработници се Министерството за култура, Град Скопје и општините Бутел и Аеродром.
Проф. д-р Стефан Влахов Мицов истакна дека личности и творци како Вапцаров се мерило за зрелост, и за современиците и за следбениците.
- Вапцаров е пример како еден Македонец, надоен со македонските народни традиции и со македонска самосвест, успева да стане голем творец, рече Михов.
На животот и делото на Вапцаров се осврна Симеон Иванов - Канго, кој читаше и стихови од поетот. Настапија изворната пејачка група и изворниот оркестар на Ансамблот „Никола Јонков Вапцаров“.
Ново на Сител
-
Тема на денот со Славица Арсова, директорка на Клиника за психијатрија
-
Пет пациенти кои се лекуваат во странство се во критична состојба
-
Од утре почнува исплатата на итна и првична помош за семејствата зафатени од несреќата во Кочани
-
ЗЕЛС: Координирана вонредна контрола во сите општини
-
Уапсени 17 лица кои пуштале музика во 7 дневна жалост
-
Владата апелира да се избегнува каква било политизација на случајот
-
Охриѓани им оддадоа почит на жртвите
-
ТППЕ Охрид - Голема е опасноста од блоковски пожари