Нова поштенска единица во Тетово
Отворена е нова поштенска единица во рамки на „Македонска пошта“ во Тетово. Лоцирана е спроти АМСМ на булеварот „Видое Смилевски-Бато“ или „Индустриска“ во градот.
На отворањето присуствуваа генералниот директор на АД „Македонска пошта“ Фаадис Реџепи и градоначалничката на општина Тетово Теута Арифи.
- Ова е 28 поштенска единица што е отворена досега во Центарот за поштенски сообраќај Тетово и е само продолжување на залагањето на менаџментот на АД „Македонска пошта“ постојано да биде покрај своите корисници и да овозможи поштенски услуги. Новата организациска единица ќе работи шалтерски, во една смена, но постојните просторни можности даваат можност доколку има потреба тука да се работи и во две смени, како и да се организира доставата на поштенски пратки за еден дел од Тетово, рече Реџепи.
Тој информира дека освен за поштенските услуги во Тетово, како град со два универзитети, има голем интерес и за услугите од платниот промет и услугите од финансиско - поштенско работење.
Градоначалничката Арифи посочи дека секое отворање нова подружница на „Македонска пошта“ на граѓаните им овозможува побрзо завршување на потребните услуги и работи од оваа област.
Во Центарот за поштенски услуги од Тетово има вкупно 150 вработени, од кои 55 се поштари за доставување пратки.
Ново на Сител
-
Двојно убиство во Стајковци - си ги убил братот и снаата
-
Специјализантите и натаму бараат плата
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите