НАТО едногласно им изрази поддршка на САД, Британија и Франција за нападот врз Сирија

Претставниците на САД, Франција и Британија во НАТО денеска ги информираа останати сојузнички за ракетниот напад врз Сирија, при што, како што соопшти НАТО, го претставиле значителното количество информаци кои укажуваат дека хемискиот напад во сирискиот град Дума на 7 април бил извршен од страна на сириската армијa.

- Трите земји - сојузнички потенцираа дека не постоеше друга практична алтернатива освен употребата на сила. Сојузниците ја изразија нивната целосна поддршка на оваа акција, чија цел е да се намали капацитетот на сирискиот режим да употребува хемиско оружје, како и да се спречат идни хемиски напади врз сирискиот народ. Не смее да се нормализира неказнетата употреба на хемиски оружја, пишува во соопштението на НАТО, во кое се нагласува дека поддршката за ракетниот напад била едногласна.

Според НАТО, дипломатските обиди да се спречат хемиски напади извршени од страна на сириската армија не успеале, а не бил обновен ниту мандатот на меѓународните инспектори кои присуствуваа во Сирија до ноември 2017 година. Членките на НАТО изразуваат поддршка за политичко решение на конфликтот, кое ќе се постигне под покровителство на Обединетите нации, се заклучува во соопштението.