Му го украле братот близнак по раѓањето, по 24 години му тропнал на врата
Сè започнало на 7 мај 1979 година кога мајката Надица Миљковиќ родила две момчиња, близнаци. Ненад и Иван, браќата близнаци само еден ден откако биле родени се пренесениво Белград без мајката,наводно поради вода во белите дробови.
Ова е почетокот на приказната која 37 годишниот Иван ја раскажува за српски Телеграф и за тоа како го разделиле од братот близнак по раѓањето.
-Во протоколот кој следува после породувањето кога се запишуваат податоци за новородените бебиња, лекарите напишале дека едното бебе егзитирало, додека второто е здраво. Тие однапред знаеле дека наводно едното ќе умре, иако тоа никогаш не се случило. Дури следниот ден на 8 мај лекарите соопштиле дека едното дете умрело, а второто е во тешка состојба, раскажува Иван.
Кога дознал дека едното дете му починало таткото Зоран барал од лекарите да го види телото и да го погреба бебето. Му било кажано дека не може и дека подобро е да го чува тоа што му останало. Родителите не се посомневале во ништо. Годините поминувале, а дури по повеќеод 20 години во 2003 кога во медиумите познало да се говори за кражба на бебиња,почнале и сомневањата.
Семејството започнало своја истрага преку собирање на документи при што утврдиле дека документација за гробно место не постои, како ниту документ за смрт.
-Низ останатата документација наидовме на тежок организиран криминал. Во матичната книга на родени, веднаш по раѓањето, мене и на мојот брат ни е доделен ист матичен број. Тоа значи дека од двајца направиле еден, за да им се вклопи во статистиката. Еден е правно починат за да му се направи нов идентитет на некое ново место, во ново семејство. Поседувам и уверение за државјанство на кое јасно стои класификационата ознака 201 која е за промена на идентитет. Прво од документите дојдовме до податокот кој е, а подоцна утврдивмекаде точно се наоѓа, ја раскажува својата животна приказна Иван.
Во контакт со братот стапил по 24 години.
-Го побарав на телефон и му реков: „Здраво, тука е Иван“. Ме праша: „Кој Иван“, одговорив: „Твојот брат близнак“. Набрзо потоа тропнав на неговата врата, се сретнавме и пресреќни сме што најпосле се запознавме, раскажува Иван.
Близнаците се во постојан контакт,направиле и ДНК анализа која потврдила дека се биолошки браќа. Сега ја бараат правдата до крај за сите одговорни.
Ново на Сител
-
Анализа: Може ли Македонија во ЕУ со политиката - Уставни измени со одложено дејство?
-
Запален автомобилот на новинарот Серсемов
-
Тема на денот со Орхан Муртезани, министерот за европски прашања
-
Младите од Македонија најмногу сакаат да ја напуштат државата споредено со врсниците од регионот
-
Таравари прими вакцина против грип - Со закон ќе се справуваат со антиваксерите
-
Фон Дер Лајен од Скопје: Проширувањето ќе остане врвен приоритет за ек во следните пет години
-
Прва средба на новите членови од историската комисија - Ќе има ли разлики?
-
Помилуваниот Равманоски повторно зад решетки, осомничен за обид за убиство