Министерствата за здравство на Македонија и на Кина ќе ја унапредуваат соработката
Заменик - министерот за здравство, Јовица Андовски, денеска во Министерството за здравство оствари средба со неговиот кинески колега Ванг Пејан, со кого станало збор за продлабочување на соработката меѓу двете држави, со посебен фокус на унапредување на здравствената заштита на постарите лица, како и здравствената заштита на мајките и децата.
Како што соопшти Министерството за здравството, кинеската делегација била запознаена со работата на Центарот за традиционална кинеска медицина во Штип и изразила поддршка за идните планови за развој на овој Центар, кој е основан во рамки на проектот на Владата со поддршка од Министерството за здравство за развој на оваа дејност во Македонија, и се применуваат методи и техники како во Кина.
На средбата, како што е наведено во соопштението, било заклучено да се продолжи и унапреди соработката започната во рамки на Вториот состанок на министрите за здравство на 16 држави од Централна и Источна Европа и Кина, кој неодамна се одржа во Суџоу, провинција Џиангсу и во Шангај во Народна Република Кина, во организација на кинеската Национална комисија за здравство и планирање на семејството.
За време на престојот во Република Македонија, делегацијата од Кина оствари посети на повеќе јавни здравствени установи, меѓу кои Универзитетската клиника за гинекологија и акушерство и Геронтолошки завод „13 Ноември“.
Ново на Сител
-
Тема на денот со Христијан Мицкоски, премиер
-
Од наводно „насилство“ од медицинската сестра врз бебето од Сарај, случајот на Детска клиника заврши како „недоразбирање“
-
Кризна состојба во Македонија: Најкритично на Серта, стигаат воздухоплови од регионот
-
Огнената стихија повторно се шири на штипската страна од планината Серта
-
Патници колабираат во автобусите на ЈСП, утрово повторно интервенирала брзата помош
-
Обдукцијата треба да покаже дали бизнисменот Радомировиќ е убиен или станува збор за самоубиство
-
Милошоски: Дали Габер Дамјановска фалсификувала документ?
-
ВО ЖИВО: Ребалансот на владина седница