Матис: Заканата од Северна Кореја е јасна и присутна

САД се охрабрени од напорите на Пекинг за запирање на Северна Кореја, но нема да прифатат кинеска милитаризација на островот во Јужно Кинеско Мире, изјави денеска американскиот секретар за одбрана Џејмс Матис.

Тој во Сингапур, каде учествува на годишниот меѓувладин безбедносен форум Шангри-Ла дијалог, предупреду дека заканата од Северна Кореја е „јасна и присутна“ и дека Пјонгјанг ја зголемил динамиката на развој на нуклеарно оружје.

- Администрацијата на Трамп е охрабрена од обновената посветеност на Кина да работи со меѓународната заедница на денуклеаризација, посочи Матис, додавајќи оти се надева дека Кина ќе ја препознае Северна Кореја како стратешка обврска.