Лоша гледаност на новиот документарен филм на Мајкл Мур
Документарниот филм „Where to Invade Next“ на Мајкл Мур на кино-благајните оствари досега најслаб приход во целата негова кариера.
Првиот филм на Мур по шест години, во кој тој патува низ светот во потрага по добар закон што може да се примени и во САД, почна да се прикажува во 308 американски кина минатиот викенд и досега заработи 897.034 долари, односно во просек 2.912 долари по кино.
Тоа е многу помалку од приходот на неговиот филм „The Big One“ од 1998 година, кој во првата недела од прикажувањето во просек заработи по 4,452 долари или од играниот филм „Canadian Bacon“ од 1995 година, со просечна заработка од 3.810 долари.
Приходите од новиот филм на Мур се поразувачки во споредба со „Capitalism: A Love Story“ од 2009 година, кој во секое кино заработи просечно по 57.991 долари.
Мур наводно го одбил „Нетфликс“, кој бил подготвен да го откупи филмот за прикажување, затоа што сакал тој да се емитува во што повеќе кино сали.
Во текот на пролетта „Where to Invade Next“ ќе биде прикажан во ограничен број кино-сали во Германија, Луксембург, Грција, Шведска и Холандија.
Ново на Сител
-
Нови владини одлуки
-
Тема на денот со Бојан Кордалов
-
За една недела 4 починати од Ковид – Вакцини се уште нема
-
Пратениците го одобрија унгарскиот заем од половина милијарда евра
-
Наим Рамука сменет од началничкото место поради пропуштањето на возилата на Гаши на „Блаце“
-
„Балансерот" за вработување пред Уставен суд
-
Бугарското МНР во одбрана на амбасадорот Радуков
-
Откажана утрешната средба на историската комисија со Бугарија