Каевски: Силна поддршка од Германија и гаранции од Шолц - нема нови условувања
Посетата на претседателот на СДСМ и премиер Димитар Ковачевски на Германија, донесе дополнителни придобивки за државата и нашата европска иднина.
Директно од канцеларот Олаф Шолц добивме јасни и цврсти гаранции дека нови услови, нови пречки на европскиот пат нема да има.
Дополнително, тој јасно ја нагласи големата почит за македонскиот идентитет, јазик и историја и за огромните напори што Северна Македонија ги вложува во реформи на патот кон ЕУ.
Сето ова доаѓа по усвојувањето на Резолуцијата во германскиот Бундестаг со која се потврдува и дополнително афирмира македонскиот како рамноправен со сите останати јазици на Европската Унија.
Ова е уште една потврда за државничките политики на СДСМ и парламентарното мнозинство.
Пред сите нас сега е важен период во кој треба да влеземе одговорно и заеднички низ дијалог да го заокружиме процесот на уставните реформи.
Сите политички субјекти, вклучително и ДПМНЕ треба во прв план да ги стават државните и националните интереси и заеднички низ консензус да ја обезбедиме европската иднина.
Полноправното членство во ЕУ не е определба само на една или две партии, тоа е стратешка цел поставена уште од денот на осамостојувањето.
На тој пат кон полноправно членство не сме сами, туку ја имаме безрезервната поддршка на САД и нашите европски сојузници меѓу кои и Германија.
Сојузна Република Германија не е само сојузник во НАТО и поддржувач во ЕУ, туку таа е и наш најважен економски партнер.
Околу 50% од вкупниот извоз од Северна Македонија е во Германија, а трговската размена меѓу двете земји, само минатата година изнесуваше 3,2 милијарди евра.
Оваа, како и соработката со останатите земји членки на ЕУ, дополнително ќе се интензивира по отворањето на првите поглавја и по зачленувањето во Унијата.
Затоа, сега мора да ја искористиме оваа шанса, да обезбедиме европски стандарди и услови дома, да обезбедиме европска сегашност и иднина за сите наши граѓани.
Прес-конференција на Дарко Каевски, пратеник и портпарол на СДСМ
СДСМ - Центар за комуникации со јавноста
Ново на Сител
-
Украла пари од домот на 74 годишна жена, приведена прилепчанка
-
До крајот на неделава променливо време со повремен дожд и ветер
-
Нова кривична за Мерко
-
Внимавајте се појавија лажни паркинг карти - не ги плаќајте
-
Пронајдени мигранти од Непал, приведени две лица од кумановско
-
ЦУК: Вкупно 1.727 повици на 112, осум пожари на отворено
-
Еден загинат и 27 повредени во судар меѓу автобус и автомобил кај Инџија
-
Со кран се евакуираат станари од покривот на зградата во Чаир | ВИДЕО