Јункер: Не сум болен, останувам на функцијата

Не сум болен ниту уморен. Останувам на функцијата и ќе се борам за обединета Европа до последен ден, нагласи претседателот на ЕК, Жан Клод Јункер пред Европскито парламент.

Со тоа, тој ги отфрли спекулациите дека ќе поднесе оставка заради влошена здравствена состојба и резултатите од британскиот референдум.

Јункер додаде дека му забранил на составот на ЕК да води тајни преговори со британската Влада за условите за напуштање на Унијата.

- Нема да има преговори пред да бидеме известени за напуштање по Член 50 од Договорот од Лисабон, наведе Јункер. – Очекуваме јасна порака од Лондон. Не денеска или утре, но многу брзо, појасни Јункер.