ИСППИ ќе презентира резултати од истражувањето „Идентитетите на студентската популација“
Институтот за социолошки и политичко - правни истражувања (ИСППИ) при Универзитетот „Св. Кирил и Методиј”
- Скопје утре ќе ги презентира резултати од истражувањето во рамки на проектот „Идентитетите на студентската популација во Република Македонија“, реализиран во периодот од 2013 до 2015 година.
Целта на овој проект, како што објаснуваат од ИСППИ, беше да се направи приказ на идентитетската определба на студентската популација во Република Македонија во услови на актуелните општествени и политички констелации. Ќе бидат презентирани резултати кои се однесуваат на состојбите во однос на колективните наспроти индивидуалните идентитети, како и степенот на религиозноста кај студентската популација во Република Македонија.
Резулатите ќе ги презентираат проф. д-р Ганка Цветанова и доц. д-р Бојана Наумовска, а во дискусијата се поканети да учествуваат академик проф. Катица Ќулавкова од МАНУ, проф. д-р Ѓоко Ѓорѓевски, декан на Православниот богословски факултет „Свети Климент Охридски“ и проф. д - р Хасан Џило од Факултетот за исламски науки, Скопје.
Презентацијата е во рамки на „Научната среда“, настан што еднаш месечно се одржува во Институтот, а на кој ќе бидат презентирани или ќе се дебатира за истражувања и проекти од научно и општествено значење.
Ново на Сител
-
Тема на денот со Орце Ѓорѓиевски, претседател на ЗЕЛС
-
ОКТА со современа лабораторија ќе го испитува квалитетот на дизелот
-
Отворен регионален центар К9 за дресирање кучиња во Ѓорче Петров
-
Поднесено обвинение против две лица за дивоградба во Охрид
-
Преглед на вестите од светот
-
Се стопираат огласите со „Балансерот“ критериумите - Министерство за администрација издаде насоки до институциите
-
По пораката на ДУИ: Подготвени ли сте?, МВР одговори: Ќе се справиме со сите предизвици за дестабилизација
-
Даути повторно одбива да го стави Законот за бранители на дневен ред