Гутереш апелира за зголемување на хуманитарната помош за Газа

Генералниот секретар на Обединети нации, Антонио Гутереш за време на денешната прва посета апелираше за зголемување на хуманитарната помош за Газа и наложи итна испалата на четри милиони долари од Фондот на ОН за итни случаи.

Гутереш повика и за единство меѓу милитантните палестински групации, Хамас кој го контролира Појасот Газа и Фатах, под чија контрола се делови на Западен Брег.

- Би сакал еден ден да се вратам во Газа и таа да биде дел од палестинската држава која ќе живее во мир и просперитет, посочи Гутереш.

Тоа е прва посета на Гутереш на регионот откако ја презеде функцијата генерален секретар на ОН. Неговите средби со израелските и палестинските лидери се со цел продолжување на мировните преговори.