Грција во пламен, властите предупредуваат на нови опасности

Делумно е совладан шумскиот пожар, којшто минатата недела зафати тешкодостапни реони во областа Беотија во централна Грција, јавуваат грчките медиуми.

Властите за денеска пак, предупредуваат на висок ризик од нови пожари. Објавена е жолта фаза на претпазливост за островите Хиос, Самос, Икарија, Кикладскиот Архипелаг, Евбеја, а исто и за областите Ираклион и Ласити на островот Крит.

Цивилната заштита ги извести соодветните државни служби, како и регионалните власти, заради повисока подготвеност при евентуални нови пожари.