Два пожари во скопско и еден во делчевско Звегор

Вчера во 14,45 часот било пријавено дека на влез во Скопје, после патарина „Петровец“ избувнал пожар во кој била опожарена сува трева. Во 15,35 часот од страна на Бригадата за противпожарна заштита пожарот бил изгаснат.

Претходно во 14,20 часот било пријавено дека во с.Кучково-скопско на место викано „Перија“ од манастирот „Свети Ѓорѓија“ во правец кон с.Грачани, од засега непознати причини избувнал пожар при што горела сува трева и нискостеблеста шума. Од страна на Бригадата за противпожарна заштита пожарот во 15,30 часот бил целосно изгаснат.

Вчера во 12,30 часот било пријавено дека во Делчево, атар на с.Звегор, избувнал пожар на површина од околу два до три хектари, при што изгорела сува трева и насад со сливи. Од страна на Територијалната противпожарна заштита Делчево во 14,25 часот пожарот бил изгаснат. Увид на местото на настанот ќе се врши во текот на денешниот ден.