Државниот секретар во Министерството за здравство ја посети болницата во изградба во Кичево

Државниот секретар во Министерството за здравство Насуф Ипчја, заедно со директорот на кичевската болница Лупчо Ристески изврши увид во градежните работи за изградба на новата болница во Кичево.

Ипчја по обиколката изјави дека имал можност да се увери дека интензитетот на работите во изградбата на оваа болница оди според планираното. Тој изрази надеж дека објектот целосно ќе биде функсионален во 2017 година како што  е и предвидено. 

- Ние не стоиме со скршени раце бидејќи паралено со објектот подготвуваме и стручен кадар што зборува и фактот дека во моментот од Кичево на специјализација има 15 лекари, рече Ипчја, јави дописникот на МИА.

Според директорот на кичевската болница Ристески, добро е што некој после 20 години се сети дека овој објект треба да се гради. Токму ова гарнитура на власт, нагласи тој, се сети дека овој објект им и е потребен и ќе им служи не само на жителите на Кичево и околината, туку и на општините Македонски Брод и Пласница.

Вредноста на овој објект до неговото пуштање во употреба, според првичните проценки, се очекува да биде околу 6 милиони евра.