Драма во Куманово - Му го пресекол патот па му извадил пиштол

Вчера околу 19:45 часот во село Лопате, Кумановско поради претходна расправија браќата Ф.А.(33),Ф.А.(30) и уште едно засега непознато лице со патничко моторно возило „Фолксваген-Венто“ со кумановски регистерски ознаки му го попречиле патот на патничко моторно возило „Фолксваген-Шаран“ со австриски национални ознаки во кое се наоѓале В.З.(18), неговиот брат Ф.З.(18) и Р.А.(20). Осомничените излегле од возилото и Ф.А.(33) со рачката од пиштол почнал да удира на страничното стакло на возачката врата од другото возило, по што В.З. го стартувал и тргнал, но удрил во заштитна ограда и застанал. Лицата веднаш биле физички нападнати, а Р.А. бил удрен и со тврд предмет во пределот на главата. Со телесни повреди се здобил и Ф.З. и биле пренесени во Медицинскиот центар во Куманово за укажување на лекарска помош. Од страна на СВР-Куманово излезено е на местото на настанот и извршен е увид. По трите осомничени лица се трага и се работи на целосно расчистување на случајот.