Во Гостивар за еден ден против грип се вакцинирани 220 лица
Во епидемиолошкото одделение на гостиварскиот Центар за јавно здравје, на првиот ден од сeзонската имунизација на населението против грип, вакцинирани се 220 лица. Во текот на денот се очекува оваа бројка да достигне 400, информираат од одделението на Центарот за јавно здравје Гостивар.
Меѓу првите кои ја примија вакцината која штити од три типа на вирус, најбројни се граѓаните од постарата генерација и хронично болните, а има здравствени работници.
- Интересот, вообичаено е зголемен особено во првите денови. Вакцината, особено се препорачува за лицата со хронични заболувања на срцето, белите дробови, бубрезите, дијабетичари, лица со анемии и намален имунитет. Се препорачува и на оние со над 60 години како и лицата кои професионално се изложени на ризик, здравствените работници и во јавните установи. Вакцинирање на децата, може да се изведе само доколку е неопходно и по консултација со педијатар. Вакцината, засега е најефикасна превентивна мерка против грип, изјави епидемиологот прим. д-р Војислав Огњаноски.
Имунизацијата на населението од гостиварскиот регион годинава ќе се спроведе со 1.200 дози на вакцина против грип. Лани, во гостиварско беа аплицирани 1.100 дози.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата