Во Африн околу 700.000 луѓе се под опсада на турската армија
Турската армија и нејзините сириски сојузници го опколија сирискиот град Африн, 90 села и уште еден град во близина, соопшти денеска Сирискиот центар за мониторинг на човековите права.
Претходно, Анкара соопшти дека Африн од вчера е под опсада на турската армија и нејзините сојузници.
- Единствениот излез од градот е цел на напади на турската армија и поради тоа е неупотреблив, изјави директорот на невладината организација со седиште во Лондон, Рами Абдулрахман.
Тој додаде дека под опсада се наоѓаат околу 700.000 луѓе.
Градот Африн е главна цел на офанзивата која Турција ја почна на 20 јануари против курдската милиција и нивните Единици за заштита на народот. САД ја поддржуваат курдската милиција во Сирија, но Турција ги смета за терористи, односно за продолжена рака на курдските бунтовници кои се борат во Турција.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден