Владата ќе расправа за штетите од невремето и стратешките приоритети во 2018.
Владата на Република Македонија денеска во 17 часот ќе одржи седница на која ќе разгледа информации поврзани со санирањето на последиците од поројните дождови и со причинетите штети на земјоделските култури во ресенскиот и тетовскиот регион.
На дневен ред на 16-тата седница е и Предлог-одлуката за утврдување на стратешките приоритети на Владата на Република Македонија во 2018 година.
Се очекува да бидат донесени и неопходни одлуки во пресрет на активностите предвидени со воената вежба „Dragoon Guardian“ околу влегување и престојување на војска на САД на територијата на Република Македонија заради учество во заедничката вежба.
Владата ќе ја разгледа и информацијата за учеството на Република Македонија на ЕКСПО 2020 ДУБАИ, како и извештајот за извршени преговори, со усогласен текст на Договорот меѓу Советот на министри на Босна и Херцеговина и Владата на Република Македонија за заемно признавање и замена на возачки дозволи во двете земји.
На денешната седница се и предлози и одлуки за кои Владата дава мислење по барање на Собранието на Република Македонија, а кои се однесуваат на годишните извештаи и планови на повеќе агенции, регулаторни тела и јавни претпријатија.
Пред министрите, како што соопшти владината прес- служба, се и предлози за одредени кадровски и други прашања во интерес на граѓаните.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден