Велигденски хепенинг во Ресен
На градскиот плоштад „Цар Самоил“ во Ресен денеска во пресрет на велигденските празници се одржа традиционалната манифестација „Велигденски хепенинг“.
На манифестацијата учествуваат повеќе стотина ученици од петте основни училишта и од детската градинка „11 Септември“ кои на повеќе од 30 штандови ги претставија преспанската традиционална велигденска храна, велигденските јајца и украсните декорации.
Во рамки на манифестацијата се одржа и ликовна работилница на тема „Велигден“ на штандот на Домот на културата, а програмата беше збогатена со културно-забавна програма со солистички настапи на деца од регионот и на хорот „Рибарчиња“ од Охрид.
Најинтересна беше маскотата во вид на јајце на која над 500 граѓани имаа можност да закачат ливче со желба и порака.
- И оваа година, Општина Ресен во соработка со Домот на културата ја продолжува традицијата за организирање на оваа манифестација која е омилена меѓу граѓаните бидејќи во неа сите се активни учесници од децата, нивните родители, бабите и дедовците се до самите училишта, што само по себе на манифестацијата и дава еден силен локален карактер. Традиционално, со оваа манифестација ги започнуваме и велигденските празнувања во Преспа кои отсекогаш биле синоним за јакнење на духовните и семејните вредности во Преспа, изјави градоначалникот на Ресен, Ѓоко Стрезовски.
Манифестацијата ја организира општина Ресен во соработка со Домот на културата „Драги Тозија" од Ресен.
Ново на Сител
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден
-
Право на глас на вториот круг од претседателските избори имаат 1.814.317, а на парламентарните 1.815.350