-->
-->
Вардар преку Нант до втор триумф во ЛШ
-->
Македонскиот и актуелен европски првак Вардар ја забележа и втората победа во ракометната Лига на шампиони.
Во рамките од 2.коло на А групата, Вардар вечерва пред својата публика во ЦС „Јане Сандански“ го победи францускиот Нант 27-23 (полувреме 14-10) .
Во првата третина од мечот се играше рамноправно, односно се до 23.минута кога резултатот беше израмнет 8-8. Потоа селедуваше серија на црвено-црните од 5-1 за највисоки +5 во 29-минута (14-9), но на полувремето заминаа со 4 гола предност (14-10).
И во најголемиот дел од второто полувреме се играше рамноправно. Како резултат на таквата игра предноста на вардарци се движеше меѓу 2 и 4 гола.
Најефикасен во редовите на Вардар беше Роџерио Фереира Мораеш со 6 гола, додека Даинас Кристопанс постигна еден помалку (5). Иван Чупиќ и Тимур Дибиров придодадоа по 4 гола, а Арпад Штербик имаше 12 успешни одбрани.
Во францускиот тим тројца ракометари постигнаа по четири гола, додека капитенот на македонската репрезентација Кирил Лазаров не успеа да се запише во листата на стрелци.
На натпреварите кои беа одиграни пред овој меч, беа постигнати следниве резултати: Чеховски Медведи – Монпелје 24-28 и Елверум – Скјерн 27-32.
Денеска се играат уште пет дуели, а останатите шест натпревари од оваа рунда на програмата се утре, меѓу нив и натпреварот во СЦ „Борис Трајковски“ меѓу Металург и Бешикташ кој ќе започне од 17 часот
-->
-->
-->
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден