-->
-->
Шарапова дефинитивно не ја примаат на Ролан Гарос!
-->
Француската тениска федерација (ФФТ) неколку недели размислуваше и на крајот реши да не и додели специјална покана на Марија Шарапова за настап на овогодишното издание на Ролан Гарос.
Шарапова неодамна се врати на тениската сцена, по 15-месечната суспензија поради допинг. Таа очекуваше да добие „вајлд карта“ за настап на Ролан Гарос, Гренд слем на кој го има освоено во 2012 и 2014, а откако не ја доби стана јасно дека годинава нема да учествува на Отвореното првенство на Франција бидејќи е 211. на ВТА листата и нема право да настапи ниту во квалификациите.
„Специјални покани се даваат на натпреварувачи кои се враќаат по пауза поради повреда, но не и на оние кои отсуствувале поради суспензија. Можеби во моментов е разочарана, но мојата одговорност е да го штитам тенисот и играта“, рекол претседателот на ФФТ, Бернард Зудичели.
На новинарско прашање зошто не добила специјална покана за настап во квалификациите, првиот човек на ФФТ рекол: „Добивање вајлд карт“ за настап во квалификациите би била навреда и за неа и за турнирот“.
Тој дополнил дека сакал лично да и ја соопшти одлуката, а не истата да биде објавена во живо на неговиот профил на социјалната мрежа „Фејсбук“.
„Ја барав Шарапова трипати, но не можев да ја добијам. Не се јавуваше на телефон“, заклучил Зудичели.
-->
-->
-->
Ново на Сител
-
Поднесени 18 приговори до ДИК, роковите течат
-
Течат роковите за приговори
-
Тема на денот со Васко Наумовски
-
Полицијата го пронајде виновникот за пожарот на мостот „Беласица“: 37-годишникот е веќе во затвор
-
Се гради помалку, но 5 пати поскапо од лани
-
Течат роковите за приговори
-
Почнуваат преговорите, три до четири министерства за ВРЕДИ во новата Влада
-
Грција во исчекување на позициите на ВМРО-ДПМНЕ за Преспанскиот договор