Радев ја почна официјалната посета на Македонија
Бугарскиот претседател Румен Радев денеска со средба со шефот на македонската држава Ѓорге Иванов ја почна дводневна официјална посета на Република Македонија.
Радев беше пречекан со највисоки државни и воени почести на платото пред кабинетот на претседателот Иванов, а потоа двајцата државници заминаа на тет-а-тет средба.
Радев и Иванов утре ќе имаат средба со претставници на стопанските комори на двете земји.
Бугарскиот претседател во Македонија пристигнува во придружба на двајца митрополити, кои ќе бидат дел од неговата делегација. Како што е познато Македонската православна црква - Охридска архиепископија побара БПЦ да и стане Црква-мајка. Со Радев во земјава доаѓаат пловдивскиот митрополит Николај и старозагорскиот митрополит Кипријан.
Радев во интервју за бугарската агенција БГНЕС, дадено во пресрет на посетата на Македонија, како што веќе објави МИА, истакна дека позиција што ја зазело македонското раководство била пресврната точка.
- Таа и даде шанса за новата перспектива, кон која ние во Бугарија отсекогаш сме биле отворени. Треба да направиме се луѓето од двете страни на границата, и од Бугарија и од Македонија, навистина да се чувствуваат како браќа, рече Радев.
Изрази очекување во иднина односите меѓу двете земји да се развиваат многу подинамично во сите области од взаемен интерес, по стапувањето во сила на Договорот за добрососедство.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата