-->
-->
Прилеп почнува стратегија за климатските промени
-->
Во просториите на Градската библиотека „Борка Талески“ во Прилеп денеска беше одржан првиот работен состанок на четирите работни групи: инфраструктура и јавни објекти, водни ресурски, прилепско поле и за шуми и шумски појаси за изработка на Стратегија за заштита од климатски промени на општина Прилеп.
Работните состаноци се во организација на УНДП со сите заинтересирани во општината Прилеп.
Според Столе Георгиев од „Милеу-контакт“ целта е да се презентира методологијата на „Зелената агенда“ за креирање на локални стратегии за климатски промени.
- Ова е прв состанок со работните групи за подготовка на стратегијата на Прилеп за справување со климатските промени. Опфатени се областите: заштита на земјоделските површини, на водните ресурси, јавните институции и инфраструктурата. Намерата е да се дејствува во две насоки: заштита од емисијата на стакленичките честички и намалување од употребата на енергенсите. Сето тоа е со цел справување со поплави, пожари, како и заштита од болести и справување со топлотни бранови, вели Георгиев.
Тој нагласи дека Прилеп е 10-та општина во Македонија каде се спроведува процесот.
Како што објаснува Винета Иваноска од одделот за локален економски развој, активностите продолжуваат по претходно спроведена анкета со граѓаните.
- Граѓаните детерминираа четири области : инфраструктурата, наводнувањето, шумите и јавните установи. Сега ќе се работи на подготовка на проекти до крајот на декември, а во јануари тоа треба да помине на советот на општина Прилеп, изјави Иваноска.
Иваноска прецизира дека во подготовката на стратегијата на Прилеп за заштита од климатските промени со средства учествува локалниот буџет, а половината од финансиските средства се од фондовите на УНДП.
-->
-->
-->
Ново на Сител
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите
-
Бугарија бара Бугари и меѓу Македонците муслимани на Косово
-
Проекција на НБРМ: Намален раст и забавена инфлација – Цените на храната двојно повисоки од светските
-
Загрижувачка е состојбата со алергии кај децата
-
Студентите на Правен при УГД-Штип симулираа Европски парламентарни избори