Министерот Спасовски се сретна со холандскиот амбасадор Пломп
Министерот за внатрешни работи Оливер Спасовски денеска се сретна со амбасадорот на Кралството Холандија, Вилем Ваутер Пломп.
Од МВР соопштија дека амбасадорот Пломп му го честитал изборот на министерот Спасовски и му посакал успешна работа. Тој ги потенцирал одличните односи меѓу двете земји и решеноста на Кралството Холандија максимално да и помогне на Република Македонија во областите за кои таа помош ќе биде побарана.
Министерот Спасовски се заблагодарил на честитките и досегашната соработка со Кралството Холандија и изразил уверување дека таа во иднина ќе биде уште посодржајна. Тој ја потенцирал решеноста за спроведување на реформи во македонската полиција, со крајна цел полицијата да се департизира и декриминализира и да биде вистински сервис на граѓаните. Според министерот Спасовски, принципите на законитост, одговорност и чесност мора да бидат основни принципи на секој вработен во МВР.
Министерот Спасовски потенцирал дека во наредниот период ќе им се даде простор на професионалците во МВР, а пример за таквата тенденција, како што се наведува, се и назначувањата на директорите на УБК и БЈБ, професионалци со долг стаж во Министерството за внатрешни работи.
Ново на Сител
-
Тинекс одбележа 30 години постоење
-
Управен пред одлука
-
ДИК се пожали на притисоци, членовите стравуваат за сигурноста
-
Мицотакис му одговори на Мицкоски: Патот кон ЕУ ќе биде затворен без почитување на Преспанскиот договор
-
Вархеи: Западен Балкан да биде подготвен за влез во ЕУ до 2027 година
-
Таравари: Владата ќе биде договорена до петок
-
Османи во Стразбур лобира за прием на Косово во Советот на Европа
-
Синдикатот на болницата во Лешок се противи на обидот министерството да ги спои со клиниката во Тетово