Меј: Лондон нема да ја плати сметката на ЕУ без конечен договор за Брегзит
Британската премиерка Тереза Меј изјави дека Лондон ќе ја исплати предвидената сума за „разводот“ од меѓу 40 и 44 милијарди евра на Европската унија, само доколку биде постигната конечна согласност за начинот на кој Велика Британија ќе излезе од ЕУ.
Меј беше критикувана во дел од британската јавност за договорот постигнат минатата недела, откако заврши првата рунда разговори меѓу Брисел и Лондон.
Парите што Велика Британија треба да и ги исплати на ЕУ се за веќе преземени обврски од идните буџети на Унијата.
Преговорите продолжуваат за низа други прашања, па според Меј, можно да не биде постигнат финален договор за Брегзит.
- Доколку не се договориме за идното партнерство, понудата веќе не е на маса, изјави Меј.
Британската премиерка ја бранеше и одлуката за усогласеност на регулативите, која беше потребна за да се избегне воведувањето контроли на границата меѓу Република Ирска и британската област Северна Ирска.
Ново на Сител
-
Пендаровски се откажа од државна пензија, ќе има канцеларија со тројца вработени
-
До четврток облачно и дождливо, в петок пораст на температурата
-
Приватните специјализанти очекуваат новиот министер веднаш по назначувањето да ги повика на разговори
-
Тешка сообраќајка меѓу две возила, две лица повредени
-
Прегазена малолетничка во Штип
-
Куманово: Приведен 38 годишник кој допирал три малолетнички по телото
-
7-месечно бебе од Вевчани починало откако паднало на глава од креветче
-
Монструмот откако ја убил малата Данка седнал да руча во летниковецот