ЈП Комунална хигиена засилено ја чисти околината на Градскиот стадион
ЈП „Комунална хигиена“-Скопје, во координација со Град Скопје, почна да спроведува посебна акција за одржување на јавната чистота во централното градско подрачје и во околината на Градскиот стадион.
Акцијата, информираат од Јавното претпријатие, почна на 11 јули и ќе трае до завршувањето на Супер купот на УЕФА што на 8 август 2017 година ќе се одигра на арената „Филип Втори“ во Скопје.
- Во акцијата секојдневно учествуваат приближно 20 работници кои се ангажирани за расчистување на отпадот, чистење и метење на скалите што ја поврзуваат улица „Лазар Личеноски“ со кејот на реката Вардар и рачно и машинско метење на скалите во близина на Градскиот стадион. Покрај тоа работат на расчистување на отпадот под мостот „Гоце Делчев“, Камениот Мост, мостот „Мајка Тереза“, мостот „Око“ и мостот „Слобода“, како и на рачно и машинско миење на сите улици и патеки околу Градскиот стадион, соопшти Комунална хигиена.
Покрај стандардната механизација, се вели во соопштението, во рамките на посебните активности поврзани со одвивањето на Супер купот на УЕФА, ЈП „Комунална хигиена“-Скопје употребува и едно специјално комунално возило – пијаџо и три автоцистерни.
Ново на Сител
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр
-
Дел од туристите пребирливи во своите барања на одмор
-
Преглед на вестите од светот