Грчкиот Парламент и изгласа доверба на Владата на Ципрас
Грчкиот Парламент рано изутринава и изгласа доверба на новата Влада на премиерот Алексис Ципрас.
За доверба на Кабинетот се изјаснија 155 од вкупно 300-те пратеници во Парламентот, од редовите на двете партии од владината коалиција - Сириза и Независни Грци (АНЕЛ).
Во обраќањето пред пратениците пред гласањето, Ципрас вети дека до 2019 година неговата Влада ќе ја извлече Грција од кризата.
Тој побара првата оценка по новиот договор за спас во вредност од 86 милијарди долари да биде готова до крајот на ноември, по што Владата до крајот на годината би можела да почне преговори за отпишување на грчкиот долг.
- Брзо ќе ја преминеме пречката со првата оценка, ќе ги решиме големите прашања со докапитализацијата на банките и долгот и ќе продолжиме постепено да ја менуваме Грција, порача Ципрас во обраќањето пред пратениците.
Аналиитчарите проценуваат дека првиот вистински тест владиното мнозинство ќе го има во текот на следните недели при гласањето по реформите, кои вклучуваат и зголемување на даноците и намалување на пензиите, што е услов за исплата на нова транша од помошта во износ од три милијарди евра и деблокирање на 25-те милијарди евра наменети за докапитализација на банките.
Ново на Сител
-
Тема на денот со Ивица Боцевски
-
„Шопен под отворено небо“ во Градскиот парк
-
ДИК ги усвои конечните резултати: Гордана Силјановска Давкова е новата претседателка на Македонија
-
ВМРО-ДПМНЕ ги почна преговорите со коалицијата „ВРЕДИ“
-
Состанок на Европскиот фронт на ДУИ
-
ДИК во понеделник ќе ги разгледува приговорите за парламентарните избори
-
Мицотакис бара почитување на Преспанскиот договор
-
Тројца министри за здравство стануваат пратеници