ЕУ би можела да го замрзне правото на глас на Полска
Европската унија би можела да донесе одлука за замрзнување на правото на глас на Полска, доколку земјата не ја промени својата политика и не го почитува владеењето на правото, изјави потпретседателот на Еврокомисијата, Јурки Катаинен.
- Не можеме да правиме компромис со владеењето на правото. Тој принцип или се почитува или не. Ако не го почитувате, тогаш Европа не може да молчи, изјави Катаинен, кој е поранешен фински премиер.
Според Катаинен, полската Влада со својата политика ја води земјата кон тоталитаризам и се доближива до границите на толеранција на ЕУ.
- ЕУ може да покаже флексибилност во некои области, како фискалната политика, но почитувањето на владеењето на правото неможе да биде тема на преговори, рече Катаинен.
Тој изјави дека се надева оти гермнанската канцеларка Ангела Меркел, која денеска престојува во посета на Варшава, ќе успее да го убеди лидерот на владејачката партија Право и правда, Јарослав Качински и останатите полски лидери „да ги почитуваат основните вредности на кои се изградени ЕУ и цела Европа“.
На Полска би можело да и биде одземено правото на глас доколку за тоа согласност дадат сите 27 останати членки на ЕУ, но Унгарија, чија конзервативна Влада често го обвинува Брисел за мешеање во внатрешните работи на земјата, веќе најави дека ќе стави вето на евентуален ваков предлог.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош