Земан стави вето на законот за спречување судир на интереси
Чешкиот претседател Милош Земан стави вето на Предлог-законот со кој се предвидуваат измени на Законот за спречување на судир на интереси, т.н. „Лекс Бабиш“, информираше на Твитер неговиот портпарол Јиржи Овчачек.
Според Земан, прописот не е во согласност со чешкиот уставен поредок и меѓународните договори и се меша во слободата на поединецот и неговите основни права.
Како што јави дописникот на МИА од Прага, предлог-законот, наречен „Лекс Бабиш“, предизвика расправа во јавноста, во која беше вклучен и актуелниот министер за финансии Андреј Бабиш, кој со новите измени ќе ја изгуби можноста да аплицира за субвенции, јавни набавки и поволности за инвестирање во компанијата која ја поседува.
Неговата партија АНО, која е во владината коалиција остро ги критикуваше амандманите, оценувајќи ги како спротивни на европските правила за заедничка земјоделска политика, а предложени со единствена цел да му се наштети на политичкиот конкурент пред локалните избори идната година.
За Измените повторно ќе расправаат чешките пратеници и доколку го изгласаат, претседателот нема право на вето.
Ново на Сител
-
До петок променливо време, за викендот стабилно и топло
-
Мицкоски: До сега во неколку случаи сум разочаран од делувањето на обвинителството и судството
-
Момчето убиец од Рибникар: Се чувствував отфрлено од децата и затоа го направив тоа
-
Бурим Латифи: Сите информации за наводно потрошени пари се само лажни вести
-
Од 2013 до 2021 годишно мигрирале по околу 2.500 високообразовани кадри
-
Иран ја активирал противвоздушната одбрана над градот Исфахан
-
Уапсен пензионер (64) од Кичево, кај него пронајдени тегли марихуана и дигитална вага
-
Владата сака да сме дел од ЕУ, но не по секоја цена, СДСМ бара затворена собраниска седница за евроинтеграциите