Зеленски предлага формален меѓународен договор за надомест на штетата со конфискација на рускиот имот
Украинскиот претседател Володимир Зеленски вчера предложи да се воспостави формален договор со сојузничките земји за обезбедување компензација од Русија за штетата што нејзините сили ја предизвикаа за време на војната.
Зеленски, кој вели дека Русија се обидува да уништи што е можно повеќе од инфраструктурата на Украина, кажа дека таквиот договор ќе покаже дека државите кои планираат агресивни дејствија ќе мора да платат за нивните потези.
-Ги повикуваме земјите партнери да потпишат мултилатерален договор и да создадат механизам што ќе гарантира дека секој што претрпел штета од руските дејствија може да добие компензација за сите направени загуби, рече Зеленски во редовното ноќно онлајн обраќање до граѓаните на Украина.
Според него, според таков договор со земјите потписнички рускиот имот и пари би биле конфискувани и насочени во посебен фонд за компензација.
-Тоа би било исправно. И Русија би ја почувствувала тежината на секоја ракета, секоја бомба, секоја граната што падна врз нас, рече Зеленски.
Ново на Сител
-
Двојно убиство во Стајковци - си ги убил братот и снаата
-
Специјализантите и натаму бараат плата
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите